اورامان، سرزمین سنگ صبور

اورامان زیبا و کم نظیر با دره های با صفا و سرسبز با چشمه‌ها و باغ‌های زیبا. اورامان در امتداد دو استان کردستان و کرمانشاه ایران و استان سلیمانیه عراق که نظاره گر خانه های پلکانی سنگی با پنجره های آبی رنگ ساخته شده، واقع است.

ادامه مطلب ...

ساحبوو داڵانی ( یاوه‌ر هه‌ورامی)

ئه‌ی خوا چن وه‌شا ساحبوو داڵانی

 که‌ری ته‌ماشاو کۆ کۆساڵانـــــــــــــی

نه‌سیم باوه‌رۆ بۆی عه‌تری شه‌وبۆ

به‌رزه‌ڵنگ شنیۆ گۆڵ گۆڵ نه سه‌ر کۆ

به‌ڕه‌زا به‌سۆ باقه‌نه که‌مــــــــــه‌ر

په‌لکێ هاڵه‌کۆک لوول وه‌رو نه سه‌ر

هـه‌راڵه بره‌می بارا جوانــــی

قــه‌تاره به‌سا ده‌مه‌و به‌یانی

سووره هه‌راڵه‌ی سوور بدۆ  دیاری

وه‌روه گـــره‌وۆ بــه شیـــنوو زاری

چنوور به‌ر به‌یۆ ناسک نه ده‌م خاک

بۆی گۆڵاو شانۆ کۆ که‌مه‌ر سه‌ر پاک

ئـا کات گۆراڵێ قــــه‌تاره بــه‌سا

ڕه‌نگــینش که‌را گـــردوو ئا کـه‌شـا

سه‌باره‌ت به جه‌ژنه‌و قۆربانی

قــوربان! قــوربانه‌ن، جـــه‌ژنه‌ن، شادییـه‌ن

ده‌س نه گـــه‌رده‌نـــه‌ن، ڕۆی ئــازادییــــه‌ن

هه‌ی ده‌س بۆس ده‌س بۆس وه‌ش نیگارانه‌ن

خــــه‌یر، پــابــۆس پابــۆس خـاتــر دارانــه‌ن

کـــۆن کۆشتــی‌و ، باردێی گوڵ‌ جه‌مینانه‌ن

هه‌ی سه‌ر، هه‌ی ئه‌رواح دڵ خه‌مینــانه‌ن

هــه‌ر که‌س گیان وه که‌ف په‌ی نیگارێـوه‌ن

هــــه‌ر یه‌ک قــــۆربـــانــی وه‌فــــادارێـــوه‌ن

سیــــوای ســــه‌ودایـــی هه‌راسانــه‌کـه‌ت

مــه‌حــرووم جـه که‌فته‌ی پای ئاسانه‌که‌ت

نــه پــه‌ی چــه‌م ســۆرمه‌ی گه‌رد پاڵاته‌ن

نــه پــه‌ی گیــان قــۆربان بـــه‌ژن بـــاڵاتــه‌ن

مــــه‌رد پــــه‌ی(‌ئۆسا ده‌ی)‌بێ‌درێغـه که‌ت

بســــم الله ته‌کبیــــر ده‌س بــه تێغــه‌که‌ت

په‌ی قۆربان که‌رده‌ی ناڵه‌ی نه‌ی ڕه‌نگ به‌ی

چێش مه‌بۆ ئه‌ر به‌ی؟ وه‌ی په‌ی مــن ئه‌ر نه‌ی

ســـــا تــــۆیچ مــــن وه‌ره ، وه قـــۆربانـی کـه

مــــــن وه قـــــۆربــانـــی ڕای ڕه‌بــانی کـــه

ئه‌وسا تۆیچ په‌ی وێت خــه‌یرێت کـه‌رده بۆ

منیـــــچ کــــه‌متــــه‌ر زووخ ده‌ردم وه‌رده بۆ

مــــه‌عــدوومـــی به‌دبه‌خت ناته‌مامه‌نی

ڕاســـه‌ن بێ ده‌وڵــه‌ت خـــه‌یاڵ خامـه‌نی

قــــۆربانی مشیــــۆ جـــه عـــه‌یب بـه‌ری بۆ

فیـــــدایـــی پــه‌ســه‌ند ڕای دڵبــــه‌ری بـۆ

تــۆ ‌پا شکستــه‌ی به‌ردی هــه‌رده‌ی ده‌رد

چه‌م کۆر مه‌ینه‌ت، ته‌ن زایف  ، ‌ڕه‌نگ زه‌رد

خـــــه‌یاڵێت کـــــه‌رده‌ن جــــه ڕووی نادانی

چ لایـــق وه تــــۆن  ڕوتبــــــه‌ی قــــۆربــانــی

 

«مه‌وله‌وی کۆرد»