سه‌باره‌ت به فه‌سڵوو پاییزی
|
پاییزه‌ن ماچی جه‌ژنی دڵداره‌ن |
دڵ به‌سته‌ن ماچی چه‌می خۆماره‌ن |
|
ده‌نگی ژه‌ره‌ژان نه‌غمه‌ی قه‌ناری |
نه سه‌ردوو نه گه‌رم هه‌وای وه‌هاری |
|
چنار مه‌واچی باڵای دڵداره‌ن |
زه‌رده‌ن زه‌رد بیه‌ن ماچی بێ یاره‌ن |
|
گا هۆر مه‌گێرۆ چه‌ماو ڕۆجیاری |
گا هه‌وره گرمه پێسه‌و وه‌هاری |
|
گه‌رچی پاییزه‌ن ڕه‌نگش ماته‌مه‌ن |
ئارامبه‌خش دڵ ئه‌سیری خه‌مه‌ن |
|
ئه‌گه‌ر ناوێنی چا گرد ئاساره |
ده‌ستی حکمه‌تی ئا وه‌ش نیگاره |
برای نمایش آواتار خود در این وبلاگ در سایت Gravatar.com ثبت نام کنید. (راهنما)
ایمیل شما بعد از ثبت نمایش داده نخواهد شد