ئه‌ی خوا چن وه‌شا ساحبوو داڵانی

 که‌ری ته‌ماشاو کۆ کۆساڵانـــــــــــــی

نه‌سیم باوه‌رۆ بۆی عه‌تری شه‌وبۆ

به‌رزه‌ڵنگ شنیۆ گۆڵ گۆڵ نه سه‌ر کۆ

به‌ڕه‌زا به‌سۆ باقه‌نه که‌مــــــــــه‌ر

په‌لکێ هاڵه‌کۆک لوول وه‌رو نه سه‌ر

هـه‌راڵه بره‌می بارا جوانــــی

سووره هه‌راڵه‌ی سوور بدۆ  دیاری

وه‌روه گـــره‌وۆ بــه شیـــنوو زاری

چنوور به‌ر به‌یۆ ناسک نه ده‌م خاک

بۆی گۆڵاو شانۆ کۆ که‌مه‌ر سه‌ر پاک

ئـا کات گۆراڵێ قــــه‌تاره بــه‌سا

ڕه‌نگــینش که‌را گـــردوو ئا کـه‌شـا

قــوربان! قــوربانه‌ن، جـــه‌ژنه‌ن، شادییـه‌ن

ده‌س نه گـــه‌رده‌نـــه‌ن، ڕۆی ئــازادییــــه‌ن

هه‌ی ده‌س بۆس ده‌س بۆس وه‌ش نیگارانه‌ن

خــــه‌یر، پــابــۆس پابــۆس خـاتــر دارانــه‌ن

کـــۆن کۆشتــی‌و ، باردێی گوڵ‌ جه‌مینانه‌ن

هه‌ی سه‌ر، هه‌ی ئه‌رواح دڵ خه‌مینــانه‌ن

هــه‌ر که‌س گیان وه که‌ف په‌ی نیگارێـوه‌ن

هــــه‌ر یه‌ک قــــۆربـــانــی وه‌فــــادارێـــوه‌ن

سیــــوای ســــه‌ودایـــی هه‌راسانــه‌کـه‌ت

مــه‌حــرووم جـه که‌فته‌ی پای ئاسانه‌که‌ت

نــه پــه‌ی چــه‌م ســۆرمه‌ی گه‌رد پاڵاته‌ن

نــه پــه‌ی گیــان قــۆربان بـــه‌ژن بـــاڵاتــه‌ن

مــــه‌رد پــــه‌ی(‌ئۆسا ده‌ی)‌بێ‌درێغـه که‌ت

بســــم الله ته‌کبیــــر ده‌س بــه تێغــه‌که‌ت

په‌ی قۆربان که‌رده‌ی ناڵه‌ی نه‌ی ڕه‌نگ به‌ی

چێش مه‌بۆ ئه‌ر به‌ی؟ وه‌ی په‌ی مــن ئه‌ر نه‌ی

مــــــن وه قـــــۆربــانـــی ڕای ڕه‌بــانی کـــه

ئه‌وسا تۆیچ په‌ی وێت خــه‌یرێت کـه‌رده بۆ

منیـــــچ کــــه‌متــــه‌ر زووخ ده‌ردم وه‌رده بۆ

مــــه‌عــدوومـــی به‌دبه‌خت ناته‌مامه‌نی

ڕاســـه‌ن بێ ده‌وڵــه‌ت خـــه‌یاڵ خامـه‌نی

قــــۆربانی مشیــــۆ جـــه عـــه‌یب بـه‌ری بۆ

فیـــــدایـــی پــه‌ســه‌ند ڕای دڵبــــه‌ری بـۆ

تــۆ ‌پا شکستــه‌ی به‌ردی هــه‌رده‌ی ده‌رد

چه‌م کۆر مه‌ینه‌ت، ته‌ن زایف  ، ‌ڕه‌نگ زه‌رد

خـــــه‌یاڵێت کـــــه‌رده‌ن جــــه ڕووی نادانی

چ لایـــق وه تــــۆن  ڕوتبــــــه‌ی قــــۆربــانــی

نمه‌زانوو دماو مه‌رگیم چێش مه‌بۆ

گه‌ره‌کم نیه‌ن بزانوو گۆزه‌ڵه وه‌ش که‌ر جه خاکوو جه‌سته‌یم چێش وه‌ش مه‌که‌رۆ

به‌ڵام فره په‌نه‌م وه‌شه‌ن که جه خاکوو بینێم فێقێوه وه‌ش که‌روو

وه ئا فێقه ده‌سوو  زارۆڵه هاروو هاجێوه بۆ

وه وه‌رموو وه‌رمینه وته‌یه‌کا بژڵاونۆ

وه پی جۆره بماڕۆ بێ‌ده‌نگی مه‌رگینم